felechosa
Joined: 12 Dec 2004
Posts: 58
Location: Uviéu
|
 Posted: Sat Jun 14, 2008 10:02 am Post subject: Homenaxe a la gaita nel centru Nueva York |
 |
|
La Banda de Gaites de Corvera xunta cola Asociación Cultural d'Amigos del Pasacais de San Patricio n'Europa, decidieron donar al Comité Organizador del Pasacais de Nueva York una escultura del artista asturianu José Antonio Vega. La obra ye un gaiteru fechu de fierru de más de dos metros d'altor y 200 quilos de pesu. La escultura, que llegará a Nueva York nel mes de payares, podría allugase nel "Central Park" de Manhattan o na "Liberty Island", islla onde s'asitia la Estatua de la Llibertá.
La estatua va dir colocada enriba un pilar y una muela d'horru, onde se colocará una placa d'hermanamientu de la "gran nación celta".
La donación ta dientro de los actos del 247 Pasacais del día de San Patricio, que tolos años percuerre les cais de Nueva York con más de 200.000 persones ente bandes de gaites y música de tol mundu. Nesti casu, la Banda de Gaites de Corvera, lleva participando nestos actos dende 2005, algamando amás la distinción de Meyor Banda de Gaites Estranxera. |
|
