PIESLLA'L 11r FESTIVAL DE NACIONES CELTES D'AVILES

People, history, places, resources, & more.<br>
El pueblo, historia, lugares, recursos, & más.

Moderators: mariamatoyos, Moderators

Post Reply
astúricu
Posts: 164
Joined: Sat Jun 28, 2003 12:39 pm

PIESLLA'L 11r FESTIVAL DE NACIONES CELTES D'AVILES

Post by astúricu »

Pieslla'l 11r Festival de naciones celtes d'Avilés

Esti domingu 29 de xunetu echó'l pieslle'l décimoprimer Festival Intercélticu d'Avilés 2007, el Festival de naciones celtes más importante d'Asturies. Del 20 al 29 de xunetu la ciudá entera d'Avilés vivió tou un eventu enllenu de cultura y folclore de les naciones celtes que va camín de camudase en tou un símbolu cultural non sólo pa la rexón avilesina sinon pa toa Asturies. Por ello l'Intercélticu d'Avilés quier reconocese como'l Festival Intercélticu más importante d'Asturies en comparanza con otros que se fain per tola xeografía astur.Esti añu les naciones participantes fueron: Bretaña, Escocia, Gales, Galicia, Irlanda y Asturies. Dende amueses de fotografía etnográfica como la entitulada "Asturies na emigración", pasando per mercaos tradicionales, concursu d'escanciáu, tonada, xuegos tradicionales, traineres, artesanía asturiana, deportes asturianos, cuentacuentos, talleres de baille, xornaes d'estudiu, pero sobretoo pasucais prestosos y tou un ampliu repertoriu de música celta na cai y bailles tradicionales de les naciones celtes. Les bandes de gaites participantes nesti añu fueron: Stuart Cassels, Ledicia, Curran-Fegan, Esbardu, Gaites de Corvera, Gaites d'Avilés, La reina'l Truébanu, Llacín, Llangréu, Dawnswyr Mon, Bagad Landi y The Pitlochry and Blair Atholl. Ente los grupos asturianos participaron Duu Astur, Xera, La bandina'l Tombo, ´Tuenda, Danzantes de Trabáu, L'escarpín, Los Ciquitrinos, y La Bandina. El sábadu 28 peslló la nueche intercéltica el grupu de folk escocés Capercaillie. L'homenaxe a les banderes nacionales de los países celtes y l'himnu d'Asturies marcó'l pieslle d'esta nueva edición del Intercélticu avilesín que tuvo por escenarios principales el nuevu polideportivu d'El Quirinal, la Plaza de Carlos Lobo, la de Camposagráu y la Plaza Mayor del Conceyu.
Image

Image
[/img]Image
[/img]Image
Post Reply

Return to “About Asturias - Sobre Asturies”