Entrugues frecuentesEntrugues frecuentes          BuscarBuscar          MiembrosMiembros          Grupos d'UsuariosGrupos d'Usuarios    RexistraseRexistrase 
 PerfilPerfil          Entre pa ver los sus mensaxes privaosEntre pa ver los sus mensaxes privaos          ConectaseConectase          
Porruanos so jabla y sos costumbres

 
Publicar nueu tema   Responder al tema    Índiz del foro de la migración astur-americana -> Folklore
Ver tema anterior :: Ver tema siguiente  
Autor Mensaxe
Ramón Sordo Sotres



Rexistrau: 06 Och 2015
Mensaxes: 87
Llugar: Llanes

MensaxePublicao: Sab Pay 07, 2015 6:18 am    Asuntu: Porruanos so jabla y sos costumbres Responder citando

PORRUANOS SO JABLA Y SOS COSTUMBRES

Ello qu'esti e el títulu d'un llibru sacáu en 1997 por Rogelia Martínez Fernández (Porrúa 1942 - Santander 2004), al respetive del pueblu de Llanes onde ella era nacía.
Nesta obra, escrita lo más d'ella nel asturianu de Llanes, apaecen costumbres. sucedíos y pallabras de Porrúa: la xente, los indianos, los críos, las muyeres, los vieyos, los antiguos, las funciones, el monte, los llabores del campu, los topónimos, las bodas, los bolos y muchos más asuntos de la vida de un pueblu. Tien tamién un pallabreru colos nombres que se dicían en Porrúa.
Porruanos so jabla y sos costumbres e, por ello y por defender el modu parllar de Llanes, unu de los llibros más güenos jechos nesti conceyu.
Vo poner equí un capitulín, el de la páxina 277, Jornas y llagares:

Eran anantes muy emportantes las jornas del pueblu, sobre tou la de Llacín y la Jorna la Carretera, qu'eran las más grandes y onde diban las mozas que no tenían una. Cada moza llevaba la borona y un brazáu de gromos con los que l'atizaban hasta ponela a puntu, depués colocaban las boronas, que tardaban unas dos horas en cocer. Mientras tantu, mozos y mozas aprovechaban pa cantar y baillar al son del tambor y a la lluz del candil.
Las últimas jornas que tevo'l pueblu joren: la de Llacín, la Jorna la Carretera, la de la Cortina, la del Molín, la del tíu Sidoro, la del tíu Pío Haces, la del tíu Inacio, la de la tía María Sierra, la de la tía Nieves del Estancu, la del tíu Sidro y la del tíu Enrique.
Antiguamente, los vecinos más afortunaos tenían llagares y jacían so propia sidra, y algunos hasta grababan las botellas col so nombre. En Porrúa tenían llagar el tíu Manuel de Llacín "el Inglés" en Llacín, José Alejo'n Valparón, don Cosme ena Peña, Antonio de Rosecu'n Coteru, don Ángel en Parque, Perico'l de José ena Vega, don Salvador en Sorvilla y Pedro Sobrinu'n Sorvilla.
Tornar arriba  
Mostrar mensaxes de anteriores:   
Publicar nueu tema   Responder al tema    Índiz del foro de la migración astur-americana -> Folklore Toles hores son GMT - 4 Hores
Páxina 1 de 1

 
Dir a:  
Pue publicar nueos temes n'esti foru
Nun pue responder a temes n'esti foru
Nun pue editar los sus mensaxes n'esti foru
Nun pue esborriar los sus mensaxes n'esti foru
Nun pue votar en encuestes n'esti foru

Site design & hosting by

Zoller Wagner Digital Design