Los magostales

Flan, rice pudding, sweets, fruit, etc.<br>
Flan, arroz con leche, dulces, frutas, etc.

Moderators: almudena, Moderators

Post Reply
Ramón Sordo Sotres
Posts: 127
Joined: Tue Oct 06, 2015 4:49 am
Location: Llanes

Los magostales

Post by Ramón Sordo Sotres »

LOS MAGOSTALES

La castaña e'l frutu de la castañar (un sitiu con castañares lláman-y un castañedu o un castañéu); nel conceyu de Llanes era corriente comelas:

1) Asadas colos sos dos peleyos, dempués de mozcalas, qu’e quitar con un cuchillu un cachín de la cáscara a cada castaña pa que cuando s’asen no arrevienten por causa’l juebu.
2) Cocías n’agua dempués de pulga-yos el peleyu duru; pa comelas acompáñanse con llechi una vez quitáu’l otru peleyu, el de dientro, qu’e más delgáu; al cocelas echábase-yos un poquitín de sal y unos anises.
3) Las mayucas —llamadas asina porque allegan arrugadinas pero sanas jasta el mes de mayu— cómense cuando tan ya bien curtías y secas porque se caltuvieren —sin peleyu— na zarda o nun cestu; puen comese crudas o tamién guisadas como si joran jabas.
4) Las corbatas cómense cocías y sin pulgar.
5) Cuando s’axuntaba un porción de xente pa magostar (o magustar), eso era un magüestu, una magostada, un magostal, un magustal o —pa mí— un magostu. Magostar é lo qu’agora vo dicivos:
Diban a castañas unos cuantos y cuando bían axuntáu una cantidá aparente d’ellas magostábanlas (o seáse, asábanlas) con una carga de jelechos secos prendíos y poníos enriba las castañas, que taban en suelu; si la primer carga de jelechu no las tostaba bien, entós regolvíase tou un pocu con un palu y poníase más jelechu. Tamién podían ponese palos, ramas y jelechu per enriba y dempués regolvíase.

El acompañamientu acostumbráu del magüestu era beber sidre colas castañas.

Magostar lláman-y tamién a asar otru alimentu, a tostar —un suponer palos, como las varetas d’ablanu—, a cabar lluego un llabor o a gastase un dineru en pocu tiempu: “heredaren muchu pero ya lo magostaren”.

El tambor e un recipiente cilíndricu de jierru, cerráu pero con muchos juracos; dientro d’elli, y dando muchas güeltas, ásanse castañas, a esto lláman-y tamborilar.

Nel pueblu llaniscu de Vidiao diz que dempués d’un magüestu o magostal dejaban “pinchada en un palo una castaña pa la zurra” porque si no esta diba pa casa y desjacía la cama.

Ramón
Ramón Sordo Sotres
Posts: 127
Joined: Tue Oct 06, 2015 4:49 am
Location: Llanes

Post by Ramón Sordo Sotres »

UNA MAGOSTA EN ALLES (DICIEMBRE DE 1913)

Un testimoniu de los nombres que daban en Peñamellera a estos asuntos e el que vien agora, copiáu de la página 6 del númeru 503 del primeru d'eneru de 1914 del decenariu de Panes El Eco de los Valles [el día que jacieren el magüestu debió ser el 21 de diciembre; Candolías solían llamar de aquella a los gaiteros porque unu mui nombráu vivía nel caseríu (hoi descalteníu) de Candolías, en Tresgandas (Llanes)]:

Ecos de Valle Alto
-------
(...)
Magostal
El penúltimo domingo, la mocedad de Alles, se dió cita para el sitio donde se esta construyendo el nuevo cementerio, para celebrar una magosta, la cual terminó con el correspondiente baile, que cón mucha animación duró toda la tarde, habiendo hecho las delicias de tan simpática fiesta el Candolias Gerardo Canal.
El Corresponsal.
Post Reply

Return to “Desserts - Postres”