FAQFAQ          SearchSearch          MemberlistMemberlist          UsergroupsUsergroups    RegisterRegister 
 ProfileProfile          Log in to check your private messagesLog in to check your private messages          Log inLog in          
Un versu sobre Llanes na jabla d'Onís

 
Post new topic   Reply to topic    Asturian-American Migration Forum Index -> Literature - Literatura
View previous topic :: View next topic  
Author Message
Ramón Sordo Sotres



Joined: 06 Oct 2015
Posts: 128
Location: Llanes

PostPosted: Thu Aug 03, 2017 5:04 am    Post subject: Un versu sobre Llanes na jabla d'Onís Reply with quote

UN VERSU SOBRE LLANES NA JABLA D'ONÍS

Francisco de la Vega Pérez (La Robellada [Onís] 1893 - Madrid 1957), por malnombre Luis de Muro, joi un poeta en castellanu y asturianu del so conceyu; el so estilu era costumbrista, como vamos ver nesti romance sacáu el 14 de marzu de 1925 na páxina [3] del periódicu de Llanes El Pueblo.

ESCAYOS

A don Luis Castellanos.
Muy estimable tocayu
y aministrador de EL PUELU:

Anque en verdá un pocu tardi,
cumplo el deber del reintegru
de «El Pozu del Alloral»
esi librín tan melgueru
escritu en bable llaniscu
por Pepín el Sardineru
y Anxelón de la Moría,
quienes Dios tenga en su senu
o po lo menos se alcuentren
en algún rincón del cielu
que no desmereza nada
del de so ñatal conceyu.

Ya pol Del Llanes Antigüu,
del illustre don Demetriu,
era yo conocedor
de que el llaniscu conceyu
era de güenos poetas
mismamente un semilleru;
mas esta guapina xoya
del asturianu dialetu,
anque carpiendo por ella
estevi yo munchu tiempu,
no alcontraba un exemplar
de El Pozu, ni pa un remediu.

Y golviendo a lo que dixi
enantes del semilleru
xuradios que no es extrañu
de que se sienta copleru
tou aquel que ñaza y creza
en esi xardín del cielu
que se riega con las aguas
del Bedón y el Carroceu.
Y si bastante no juera
una razón de esi pesu,
desanime usté esta otra
y diga si estó en lo ciertu.

Nel coche de los Moranes
baxaba yo del Cerezu,
cuando muntó allá en Meré
una mocina del Cuetu,
que el vela, de guapa que era,
casi quitómi el resuellu;
y cuando ya en cortexala
iba tantiando el terrenu,
subió ena Venta la Olla
una rubia de Caldueñu,
con unos güeyos asina,
y unos colores, y un pelu…
¡baste decir que aún mi jaz
coscoritos el recuerdu!

Total, tocayu del alma,
que en un tan cortu trayetu
enamoréme tres veces;
pues tamién llenomi el güeyu
y alegromi la pistaña
una moza de altu senu,
que ena juente de Posada
taba collendo un calderu;
y así quedé convencíu
que de Xixón a Tineu
ni de Payares a Unquera,
no existe ningún criaderu
de tantas muyeres guapas
como el llaniscu conceyu;
y asina me explico yo
de que haya tantu copleru
en esi xardín que riegan
el Bedón y el Carrocéu.

LUIS DE MURO

Madrid, Marzo 1925.
Back to top  
Terechu
Moderator


Joined: 24 Jun 2003
Posts: 1561
Location: GIJON - ASTURIAS

PostPosted: Tue Oct 22, 2019 4:45 pm    Post subject: Reply with quote

Prestóme muncho el poema o les coples en dialecto de Onís. Prestóme más tovíasaber que antes tovía había homes que se enamoraben 3 veces en el trayecto de Meré a Posada.

Nel coche de los Moranes
baxaba yo del Cerezu,
cuando muntó allá en Meré
una mocina del Cuetu,
que el vela, de guapa que era,
casi quitómi el resuellu;
y cuando ya en cortexala
iba tantiando el terrenu,
subió ena Venta la Olla
una rubia de Caldueñu,
con unos güeyos asina,
y unos colores, y un pelu…
¡baste decir que aún mi jaz
coscoritos el recuerdu! !
Back to top  
Display posts from previous:   
Post new topic   Reply to topic    Asturian-American Migration Forum Index -> Literature - Literatura All times are GMT - 4 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum

Site design & hosting by

Zoller Wagner Digital Design