La Cabeza Torbina

People, history, places, resources, & more.<br>
El pueblo, historia, lugares, recursos, & más.

Moderators: mariamatoyos, Moderators

Post Reply
Ramón Sordo Sotres
Posts: 127
Joined: Tue Oct 06, 2015 4:49 am
Location: Llanes

La Cabeza Torbina

Post by Ramón Sordo Sotres »

LA CABEZA TORBINA


Lo más altu que se ve de la villa de Llanes y otros pueblos del conceyu, e la Pica Turbina, pica y no picu porque los llaniscos llamamos picas a las quimas más nombradas y más curiosinas. Pero la Pica Turbina no ta en Llanes, ta en Peñamellera, nos sitios del pueblu de Rozagás, qu’ellos conócenla pola Cabeza Torbina, con o no con u, pos el nombre vien de la braña peñamellera de Torbina, que ta cerca de la pica.

Tevi una vez nella col pastor de Rozagás Santos Antón Soberón pa saber de la toponimia del llugar, y díxomi (o, en jabla peñamellera, díjome) que la Cabeza Torbina son dos cabezas, "la de acá y la de allá", la Cabeza Chica la del norte, ente L'Escar y Cuera, y la Cabeza Grande la del merudía, toa ella dientro Cuera, más alta y que no se ve de Llanes.

Más al norte tán, tovía en Peñamellera y del poniente al saliente, el Cuetu los Zanjones, el Cuetu los Canjalones y el Cuetu Prau, tres cuetos de mucha peña pero que vistos de Llanes paecen tres quimiquinas que casi no s'estreman.

Asturias sin el monte no pue conocese, no e Asturias; o sin los puertos, qu'otros llaman el puertu al monte.


Ramón
Post Reply

Return to “About Asturias - Sobre Asturies”