GANADORES DEL 2u FESTIVAL DE CINE ASTURIANU 7-11 ABRIL 2006

People, history, places, resources, & more.<br>
El pueblo, historia, lugares, recursos, & más.

Moderators: mariamatoyos, Moderators

Post Reply
astúricu
Posts: 164
Joined: Sat Jun 28, 2003 12:39 pm

GANADORES DEL 2u FESTIVAL DE CINE ASTURIANU 7-11 ABRIL 2006

Post by astúricu »

Hestoria d'un vezu y Por estar contigo
triunfen nel Festival de Cine Asturianu.


Hestoria d'un vezu, del director Santos Hevia y Por estar contigo, de la realizadora Teresa Marcos fueron les obres ganadores del segundu Festival de Cine Asturianu que se celebró n'Uviéu del 7 al 11 d'abril del 2006 y qu'entregó los sos Premios, los Fruteros de Cristal, nuna Gala de Pieslle nel Teatru Filarmónica. Por estar contigo de Deva Films recibió namenos que cuatro Premios del xuráu oficial: Meyor Curtiumetraxe Asturianu n'otra Llingua, Meyor Actriz (Montse Mostaza), Meyor Actor (Carlos Chamarro) y Meyor Dirección (Teresa Marcos). El Fruteru de Cristal al Meyor Curtiumetraxe n'Asturianu foi pa Hestoria d'un vezu, producíu por Kaos Film y Carré Noir. El Premiu al Meyor Guion foi pa Alberto Pardo por Entaína y el Premiu al Meyor Documental foi pa Lluvina, de Cinemastur Producciones. El Premiu d'Honor del Cine Asturianu foi pa l'actriz ovetense Mary Paz Pondal por tola so carrera artística na que destaquen unes 71 películes interpretaes.
El 2u Festival de Cine Asturianu proyectó seis documentales, doce curtiumetraxes na sección oficial y trés estrenos en cine. Amás proyectó tamién les obres ganadores na pasada edición del Festival: Llencería d'ocasión y 7337. Na Gala d'Entamu actuó'l Grupu de Baile Aché-Nonaya d'Uviéu faciéndose llueu un pequenu homenaxe en recuerdu del director asturianu recién fináu Mario Menéndez y darréu presentóse la sección oficial de curtiumetraxes finalistes ante'l xuráu oficial presente na sala . La Gala de Pieslle celebróse'l martes 11 d'abril ante un abondosu públicu nel Teatru Filarmónica onde se fizo la ceremonia d'entrega de Premios del Festival y l'entrañable homenaxe a l'actriz ovetense Mary Paz Pondal. Na Gala de Pieslle, a la qu'asistieron ente otres personalidaes el delegáu del Gobiernu Antonio Trevín, el conceyal Javier Vidal, el presidente del xuráu David Rivas, el presidente d'ARDA José Braña, la directora de l'Academia de Baile Baidán Amparo Villafruela, los actores José Antonio Lobato, Antonio Castro, Cristian Medina, les actrices Pili Hevia, Marisa Vallejo, Martina Bueno y los realizadores Nacho Carballo, Alfonso Suárez, Javier Prada, Alberto Pardo, José Hernández, Alberto Arce, Roberto Bernabéu o Amanda Castro. Na Gala de Pieslle actuó'l Grupu de Baile Baidán, l'acordeonista André Buche, Ánxel Nava qu'entregó'l Premiu al Meyor Actor y la propia Mary Paz Pondal qu'improvisó una maxistral interpretación qu'entamó col poema "Viva Uviéu" de Marcos del Torniello y que tamién proclamó'l Premiu a la Meyor Actriz. Los presentadores de les Gales d'Entamu y Pieslle fueron Yolanda Gil y Rubén Arias. El director del Festival, Xavi Vilareyo, adelantó que na próxima edición convocaráse'l Premiu a la Meyor Película.
El Festival de Cine Asturianu nació en Madrid el 27 d'abril del 2005 cola intención de celebrar el primer Centenariu del Cine Asturianu al cumplise los cien años del estrenu de la primer película asturiana de ficción: El robo de fruta. Ye por ello que'l Festival de Cine Asturianu concede como máximu galardón unos modernos fruteros de cristal en recuerdu d'aquella primer película asturiana realizada en 1905 en Xixón pol piloñés Javier Sánchez Manteola. Na primer edición del Festival Gil Parrondo y Rico recibió'l Premiu d'Honor del Cine Asturianu nel Auditoriu del Atenéu de Madrid siendo amás presidente del primer xuráu oficial.
El Festival de Cine Asturianu presentará próximamente Hestoria d'un vezu, Por estar contigo, Entaína y Lluvina en Madrid y n'otres ciudaes y fairá homenaxes a Teresa Marcos, Alberto Pardo, Montse Mostaza y Carlos Chamarro.


La Gala de Pieslle del 2u FESTIVAL DE CINE ASTURIANU acaba colos sones del Himnu d'Asturies



festivalcineastur@wanadoo.es
astúricu
Posts: 164
Joined: Sat Jun 28, 2003 12:39 pm

PALMARÉS GANADOR DEL 2u FESTIVAL DE CINE ASTURIANU

Post by astúricu »

PALMARÉS DEL 2u FESTIVAL DE CINE ASTURIANU









--------------------------------------------------------------------------------

PREMIU D'HONOR
Honour Prize

MARY PAZ PONDAL

--------------------------------------------------------------------------------

MEYOR ACTRIZ
Best Actress

MONTSE MOSTAZA por Por estar contigo

--------------------------------------------------------------------------------

MEYOR ACTOR
Best Actor


CARLOS CHAMARRO por Por estar contigo

--------------------------------------------------------------------------------

MEYOR GUION
Best script
Alberto Pardo por Entaína

--------------------------------------------------------------------------------

MEYOR DOCUMENTAL
Best Documentary

Lluvina de Cinemastur producciones

--------------------------------------------------------------------------------

MEYOR DIRECCIÓN
Best Director

Teresa Marcos por Por estar contigo

--------------------------------------------------------------------------------

MEYOR CURTIU ASTURIANU NOTRA LLINGUA
Best Asturian short film in another language

Por estar contigo de Deva Films y European Films Centre (2002)

--------------------------------------------------------------------------------

MEYOR CURTIU N'ASTURIANU
Best short film in Asturian

Hestoria d'un vezu de Kaos Film y Carré Noir (2000)

--------------------------------------------------------------------------------
astúricu
Posts: 164
Joined: Sat Jun 28, 2003 12:39 pm

Post by astúricu »

Image
astúricu
Posts: 164
Joined: Sat Jun 28, 2003 12:39 pm

Post by astúricu »

Image
astúricu
Posts: 164
Joined: Sat Jun 28, 2003 12:39 pm

Post by astúricu »

Image
Post Reply

Return to “About Asturias - Sobre Asturies”