Entrugues frecuentesEntrugues frecuentes          BuscarBuscar          MiembrosMiembros          Grupos d'UsuariosGrupos d'Usuarios    RexistraseRexistrase 
 PerfilPerfil          Entre pa ver los sus mensaxes privaosEntre pa ver los sus mensaxes privaos          ConectaseConectase          
President of Portugal official visit to Asturies

 
Publicar nueu tema   Responder al tema    Índiz del foro de la migración astur-americana -> About Asturias - Sobre Asturies
Ver tema anterior :: Ver tema siguiente  
Autor Mensaxe
astúricu



Rexistrau: 28 Xun 2003
Mensaxes: 166

MensaxePublicao: Sab Set 30, 2006 12:56 pm    Asuntu: President of Portugal official visit to Asturies Responder citando

El Presidente de Portugal visita oficialmente Asturies



El Presidente de Portugal, Anibal Cavaco Silva, visitó oficialmente per primer vez Asturies nuna visita oficial que resultó tou un éxitu. El Presidente portugués y les autoridaes luses decidieron que’l primer viaxe del nuevu Presidente lusu fuera a Asturies, tierra que Portugal considera la so madre patria, orixe y entamu de la so hestoria como país. El Presidente del goviernu asturianu recibió a Cavaco Silva y a la so muyer nel Aeropuertu d`Asturies el pasáu miércoles 25 d´ochobre xunto cola presidenta de la Xunta Xeneral d´Asturies. El primer actu oficial fízose nel Palaciu de Torenu d´Uviéu onde se fizo una recepción. Na axenda oficial del Presidente portugués n´Asturies taba la visita a una de les centrales termoeléctriques de la compañía asturiana Hidrocantábrico qu´agora pertenez a la empresa pública lusa EDP, en concretu a la térmica d´Aboño en Xixón. Llueu Cavaco Silva y la so muyer ufiertaron una recepción nel Hotel Reconquista d´Uviéu con una cena de gala. Al otru día visitaron la Catedral d´Uviéu, sede de la vieya Xunta Xeneral y les xoyes símbolu d´Asturies na Cámara Santa onde sintieron un conciertu coral y darréu inauguraon una exposición de l´artista portuguesa Adriana Molder nel Muséu de Belles Artes d´Asturies. La muyer del Presidente lusu María de Cavaco visitó tamién el centru de disminuíos APTA y el muséu de les Termes Romanes de Xixón.

La visita del presidente de Portugal a Asturies supón un fitu importante pa les relaciones ente los dos países que van más alló de lo económico o cultural yá que los portugueses tienen un ciñu mui especial pa con Asturies ya que la hestoria de Portugal entama nel Reinu d´Asturies del que formaba parte como condáu del que llueu s´esgayó pa entamar un reinu independiente del asturianu y amás el primer rei de Portugal yera fíu d´una asturiana. Portugal ye amás el primer país del mundu en declarar al asturianu llingua oficial yá que nel territoriu de Miranda y Sendim el parlamentu portugués declarólu llingua oficial hai dellos años.
Tornar arriba  
Mostrar mensaxes de anteriores:   
Publicar nueu tema   Responder al tema    Índiz del foro de la migración astur-americana -> About Asturias - Sobre Asturies Toles hores son GMT - 4 Hores
Páxina 1 de 1

 
Dir a:  
Pue publicar nueos temes n'esti foru
Nun pue responder a temes n'esti foru
Nun pue editar los sus mensaxes n'esti foru
Nun pue esborriar los sus mensaxes n'esti foru
Nun pue votar en encuestes n'esti foru

Site design & hosting by

Zoller Wagner Digital Design