FAQFAQ          SearchSearch          MemberlistMemberlist          UsergroupsUsergroups    RegisterRegister 
 ProfileProfile          Log in to check your private messagesLog in to check your private messages          Log inLog in          
ASTURIES AS A LEGALLY RECOGNIZED NATION

 
Post new topic   Reply to topic    Asturian-American Migration Forum Index -> The Future of Asturias - El futuro de Asturias
View previous topic :: View next topic  
Author Message
astúricu



Joined: 28 Jun 2003
Posts: 166

PostPosted: Sun Oct 02, 2005 6:18 pm    Post subject: ASTURIES AS A LEGALLY RECOGNIZED NATION Reply with quote

Asturies wants to be recognized legally as a Nation by Spain



D'un tiempu p'acá cada vez son más los partíos políticos, asociaciones de tou tipu y colectivos que reclamen que l'Estáu hespañol reconoza a Asturies como una de les Naciones históriques, acordies cola so cultura y llingua propia, y tradición como pueblu. Dientro de la política entamada pol presidente del goviernu hespañol Rodríguez Zapatero de reconocer a toles naciones con un estatus especial, económicu y políticu na futura redacción de la Constitución hespañola y na qu'Asturies, como Nación histórica nun pue nin debe quedar al llau. Asina ye polo menos la terminoloxía que se baraxa dende'l Goviernu central pa definir a les futures Comunidaes Autónomes que gozarán de mayores prerrogatives polítiques y económico-fiscales dientru d'un hipotéticu Estáu hespañol plurinacional, federal y asimétricu. Nesti sentíu tolos partíos asturianos salvo el FSA-PSOE manifestáronse a favor de la consideración d'Asturies como una de les comunidaes de primer categoría política. En concretu, el PP manifestó que diba reclamar p'Asturies la mesma consideración política que puea obtener Cataluña onde se pide una definición política expresa de nación na futura redacción constitucional. N'Asturies, los partíos más reacios a reconocer a Asturies como Nación asina como la Oficialidá de la so llingua siguen siendo'l PSOE y el PP qu'arrecostinen pregonando n'Asturies un desfasáu centralismu madrilanu que yá nun esiste nel propiu Estáu, vaciáu de competencies polítiques. Los demás partíos asturianos Andecha Astur, IAS, MIAS, BLOQUE, LLIBERACIÓN, IZQUIERDA ASTURIANA, pcpe, PAS, URAS, vienen apostando pola reclamación de la nación o de la nacionalidá p'Asturies y vienen cellebrando los Díes de la Comunidá como Díes de la Nación Asturiana y cellebren tamién congresos "nacionales" asturianos de los sos partíos. Otros partíos asturianos vienen reclamando que se reconoza política y oficialmente a Asturies como Nación y la futura igua de la constitución hespañola afirmen que ye'l mediu más afayadizu pa llevalu a cabu. Al empar que se vien reclamando notres Comunidaes Autónomes, Asturies nun quier ser menos que naide y reclama que non ya por historia, llingua, tradiciones y vezos estremaos, por derechu antigu, instituciones históriques, por voluntá de siguir como pueblu y por ser antigu Reinu, el vieyu País Asturianu seya por fin reconocíu como Nación sinon que pola sola voluntá de los sos integrantes la Comunidá asturiana seya reconocida como tala nación, xunta colos sos derechos históricos, territoriales y políticos, al empar d'otres Comunidaes. Otres opiniones n'Asturies lleguen inclusu más allá y afirmen qu'Asturies ye la primera en tener derechu a la so reconocencia como nación histórica ya que foi la primera en fundar un Reinu independiente y soberanu. Asturies cunta amás con parlamentu y goviernu propiu dende'l sieglu XIV a través de la Xunta Xeneral d'Asturies suprimida en 1834 y reinstaurada en 1981. El Derechu Civil Asturianu, ta en víes de codificación, lo que supondría otra competencia esclusiva por derechu históricu, asina como'l derechu históricu a la so reintegración territorial a través de la reincorporación a Asturies d'aquellos conceyos asturianos que nun determináu momentu dexaron de selo por decisión alministrativa.
Back to top  
Display posts from previous:   
Post new topic   Reply to topic    Asturian-American Migration Forum Index -> The Future of Asturias - El futuro de Asturias All times are GMT - 4 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum

Site design & hosting by

Zoller Wagner Digital Design