Entrugues frecuentesEntrugues frecuentes          BuscarBuscar          MiembrosMiembros          Grupos d'UsuariosGrupos d'Usuarios    RexistraseRexistrase 
 PerfilPerfil          Entre pa ver los sus mensaxes privaosEntre pa ver los sus mensaxes privaos          ConectaseConectase          
Reconocenica de la independencia de Kosovu

 
Publicar nueu tema   Responder al tema    Índiz del foro de la migración astur-americana -> Events - Acontecimientos
Ver tema anterior :: Ver tema siguiente  
Autor Mensaxe
cpn2



Rexistrau: 10 Abr 2007
Mensaxes: 102
Llugar: uvieu

MensaxePublicao: Llu Feb 18, 2008 1:43 am    Asuntu: Reconocenica de la independencia de Kosovu Responder citando

Naz un nuevu estáu independiente: Kosovu

El parlamentu de Kósovu declaró oficial y unilateralmente la so independencia de Serbia durante una sesión estraordinaria esti domingu 17 de febreru del 2008 na capital del nuevu estáu, en Prístina. El primer ministru de Kósovu, Hashim Thaci, declaró llueu de que los parlamentarios votaren de forma unánime a favor de la moción, que’l nuevu estáu ye agora "arguyosu, independiente y llibre". Thaci apurrió que "güei ye’l fin d’un camín perllargu. A partir d’agora tolos kosovares sedrán los ciudadanos d’un país onde toos esfrutarán los mesmos derechos, nun habrá ciudadanos de primera nin de segunda". El primer ministru tamién dixo qu’espera tener "bones relaciones" con tolos países vecinos, "tamién con Serbia". Al empar, miles de kosovares celebraron nes cais de Prístina la declaración unilateral d’independencia. Abondos coches enllenaron les cais tocando’l pitu en señal de folixa, poniendo música y amosando banderes albaneses. Tamién mangáronse colgadiellos nos edificios amosando agradecimientu a los Estaos Xuníos, al Reinu Xuníu y a la Xunión Europea pol apoyu recibíu pa la independencia de Kósovu. El presidente de los Estaos Xuníos, George W. Bush, afitóse favorable al plan de Naciones Xuníes que prevé la independencia supervisada pa Kósovu. Espérase que los EE.XX. y la mayoría d’estaos de la Xunión Europea reconozan darréu a Kósovu como un estáu independiente. Un afitamientu al que Serbia y Rusia opónense de raigañu. Dellos corresponsales na rexón de los balcanes afiten que ye mui posible qu’entamen griesques ente los serbios y los albaneses de Kósovu por mor de la declaración d’independencia kosoviega. Mentantu, na capital serbia, Belgráu, unos 1.000 serbios protestaron contra la pérdiga d’un territoriu que consideren entamu de la so patria serbia. El teniente xeneral Xavier de Marnhac, comandante francés de les fuerces de paz de la OTAN, dixo que les sos tropes reaccionarán darréu con cualesquier provocación, yá seya de los albaneses o de los serbios que viven na antigua provincia kosoviega. El nuevu estáu independiente de Kósovu tá iguáu por una mayoría étnica albanesa, pero tamién habítenla unos cienmil serbios. Anque pertenecía a Serbia, tuvo administrada por Naciones Xuníes dende 1999. La Xunión Europea aprobó l’unvíu d’una misión policial y xudicial pa Kósovu integrada por 2.000 persones, que llegará a la rexón a partir de la selmana que vien. Esta misión de la XE tien qu’ayudar a prevenir abusos de los derechos humanos y afitar que les débiles instituciones kosoviegues queden llibres de toa interferencia política. Serbia menació con imponer sanciones económiques y diplomátiques contra Kósovu, anque rexeitó usar la fuerza como represalia. Mentantu, Rusia dixo pel so presidente Putin, que camudará la so política hacia les rexones separatistes xeorxianas d’Abhasia y Osetia del Sur si se reconoz a Kósovu como independiente y menació con problemes asemeyaos notros territorios europeos pola reconocencia del precedente históricu que supón la independencia del territoriu de Kósovu.


Kosovu - datos - Asturies

1.800.000 población 1.100.000
10.887 km2 territoriu 13.400 km2
Prístina capital Uviéu
albanés idioma asturianu
euru moneda euru
Tornar arriba  
Art
Site Admin


Rexistrau: 17 Feb 2003
Mensaxes: 4494
Llugar: Maryland

MensaxePublicao: Llu Feb 18, 2008 1:55 am    Asuntu: Responder citando

Do you see a link between Kosovo's bid for independence and possible Asturian independence? It would be interesting to hear how you envision Asturian independence: how it would be achieved and what it would be like after becoming reality?

--------------------------

¿Ves una enlace entre la intentiva de Kosovo por independencia y una independencia posible por Asturias? Sería interesante oír cómo preves la independencia de Asturias: ¿cómo se lo produciría, y como sería después de ser realidad?
Tornar arriba  
Mostrar mensaxes de anteriores:   
Publicar nueu tema   Responder al tema    Índiz del foro de la migración astur-americana -> Events - Acontecimientos Toles hores son GMT - 4 Hores
Páxina 1 de 1

 
Dir a:  
Pue publicar nueos temes n'esti foru
Nun pue responder a temes n'esti foru
Nun pue editar los sus mensaxes n'esti foru
Nun pue esborriar los sus mensaxes n'esti foru
Nun pue votar en encuestes n'esti foru

Site design & hosting by

Zoller Wagner Digital Design