Paniceiros (Xuan Bello)

Poetry, novels, essays, etc.<br>
Poesía, novelas, ensayos, etc.

Moderator: Moderators

Post Reply
felechosa
Posts: 58
Joined: Sun Dec 12, 2004 6:51 pm
Location: Uviéu

Paniceiros (Xuan Bello)

Post by felechosa »

Conozo un país onde’l mundu llámase
Zarréu Grandiella Picu la Mouta Paniceiros

Un mundu que perdéu l’aldu los caminos
Xerusalen llevantao na palma la mano d’un nenu

Un mundu que yera altu lluminosu esbeltu
Naciente y fonte y vocación de ríu

Onde los homes callen y el silenciu ye renuncia
Onde escaecimos el ser Onde claudicamos

Un país onde la casa cai cai l’horru la ponte
El molín la ilesia l’home tamién cai

Onde la mirada yera pura cenciella
La xaceda que dexara la nube en cielu

Onde namás nos queda la memoria
Corrompida de la infancia La nuesa soledá

L’abandonu de nueso.
User avatar
ayalgueru
Moderator
Posts: 107
Joined: Sat Jan 01, 2005 2:31 pm
Location: Hong Kong
Contact:

Post by ayalgueru »

xuan bello y milio rodriguez cueto son tan grandes que casi nun los merecemos ,,,,
splish-splash
the cat washes in the river...
spring rain
Isaa Kobayashi (1816)
User avatar
Llames
Posts: 120
Joined: Fri Jul 11, 2008 9:36 am
Location: Xixón (Asturies)

Post by Llames »

Echa-y una gueyada a esti videu (el poema de Xuan Bello y les imáxenes de Ramón Lluís Bande) perprestosu

http://www.youtube.com/watch?v=B3peKIEEQyA
User avatar
ayalgueru
Moderator
Posts: 107
Joined: Sat Jan 01, 2005 2:31 pm
Location: Hong Kong
Contact:

Post by ayalgueru »

ta muy bien ,,, pero dame muncha pena ver coses asina ,,, explicome ye un pocu comu "cantar de cantares" tamien ,,, ye daque hermoso y emocionante ,, pero al mesmu tiempu crepuscular ,,, una asturies que simplemente ta morriendo , podemos ser testigos de la desaparicion d'una cultura ( la nuestra pa mas inri ) pero nun podemos facer nada por evitalo ,,, o si ?
splish-splash
the cat washes in the river...
spring rain
Isaa Kobayashi (1816)
User avatar
Llames
Posts: 120
Joined: Fri Jul 11, 2008 9:36 am
Location: Xixón (Asturies)

Post by Llames »

¿Rezar un responsu? ¿Camudar la manifestación pola oficiliadá por un responsu?

Yo cada vegada tengo más nidio que detrás de nos, vien cada vez menos xente. Tamos asistiendo en primera fila al fin d'una cultura, d'una manera de ver la vida y esí salen les coses (si escuches o llees llibros n'asturiano un 95% ves la derrota pintada n'ellos).

Con la decisión de enterrar l'asturianu que tomaron na Reforma de l'Estatutu ye muncho más evidente que esa sensación ta ganando terrenu. Xuan Bello contaba eso de que alcontrose en Lorient con indios americanos, bretones, galeses, escoceses y que diose cuenta de que taba nel bandu de los que enxamas habíen ganao una batalla.

Ye lo que queda y magar d'ello hai que seguir lluchando, falando, escribiendo y sobre too pensando n'asturianu. Como los astures lluchando escontra Roma, nun hai esperanza de ganar, pero sí xeitu pa lluchar por ello.


Pd. Com pues ver ayalgueru, esti mensaxe tamién ye crespuscular....sedrá que sentimos al Sumicio bien cerca.
User avatar
Llames
Posts: 120
Joined: Fri Jul 11, 2008 9:36 am
Location: Xixón (Asturies)

Post by Llames »

Quería decir

¿Camudar la manifestación pola oficiliadá por un cabudañu? no otra vez por un responsu

Por cierto, que en algunes páxines nacionaliegues ya dalgún propuso finar eses manifestaciones (esti añu hubo amás de la del día d'Asturies casi una por mes polo de la Reforma de l'Estatutu) que nun "consiguen ná" y formose un aldarique bien interesante (ente los que opinen que polo menos dase una visibilidad al movimientu y los que creen que hai que pasar a otra fase -sin dar munches idees de en qué consistiría esa fase, too hai que dicilo-).
Post Reply

Return to “Literature - Literatura”