l'otru llau de la mar (llan de Cubel)

Lyrics for Asturian songs in the public domain<br>
La letra de canciones asturianas en el dominio público

Moderators: Chris, Moderators

Post Reply
felechosa
Posts: 58
Joined: Sun Dec 12, 2004 6:51 pm
Location: Uviéu

l'otru llau de la mar (llan de Cubel)

Post by felechosa »

Un día desembarcaba
al otru llau de la mar,
a munchos díes de casa.

Una moza vendía perles
y corales en mercáu.
¿Cuánto quies por eses perles?

Pa los demás por dineru;
pa ti de baldre si en prenda
quixeres quedar tu mesmu.


Otres tierres. Hai otres tierres.
Munches riberes mueya la mar.
Viaxarás lloñe, triyarás mundu,
pero a la fin habrás recordar
qu'en toles tierres yes estranxeru
menos na d'esti llau de la mar.


Nun puedo comprales, perla
y coralín encarnáu,
nun puedo comprales, perla,

porque otra moza quedó
coles llaves de mio casa
nel bon puertu de Xixón

porque otra moza quedó
coles llaves de mio casa
y les del mio corazón.

Nel bon puertu de Xixón,
al otru llau de la mar,
onde ye más fuerte el sol,

onde ye más suave l'agua,
onde l'aire güel a ocle
y ye tibio la roxada.

Al otru llau de la mar,
esa filera de montes
que ñaguo por avistar.
Post Reply

Return to “Asturian Songbook - Cancionero asturiano”