FAQFAQ          SearchSearch          MemberlistMemberlist          UsergroupsUsergroups    RegisterRegister 
 ProfileProfile          Log in to check your private messagesLog in to check your private messages          Log inLog in          
Círculos republicanos (1904)

 
Post new topic   Reply to topic    Asturian-American Migration Forum Index -> About Asturias - Sobre Asturies
View previous topic :: View next topic  
Author Message
Ramón Sordo Sotres



Joined: 06 Oct 2015
Posts: 76
Location: Llanes

PostPosted: Mon Jun 13, 2016 5:32 am    Post subject: Círculos republicanos (1904) Reply with quote

CÍRCULOS REPUBLICANOS (1904)


Ello e qu' El Combate. Periódico Revolucionario era un semanariu pal asuntu jacer propaganda republicanu. Nel númeru del domingo 3 d’abril de 1904 (añu II, Madrid) salen dos razones al respetive de cuadriellas republicanas que taban nos conceyos de Cabrales y Ribesella y que trayo al cuentu equí porque valen pa saber de la hestoria d’estos dos municipios y pa que mos animemos a buscar y dar a conocer lo que dicen pedióricos antigos que tovía quedan muchos exemplares únicos per muchas casas:

Na páxina 2 vemos un escritu de Manuel Niembro de la Concha, secretariu de la Junta Municipal Republicana, de Cabrales, y que paez que taba ‘en entredicho’, asegún se saca del artículu, pero esti no pon claru por qué era asina; apaez tamién quién taba n’ella, qu’eran:
Presidentes honorarios: D. Nicolás Salmerón, D. Melquiades Alvarez y D. Pedro Niembro; Presidente efectivu, D. Manuel Gómez Prieto; Vicepresidente, D. Agapito Helgueras Niembro; Secretariu, D. Manuel Niembro de la Concha; Vicesecretariu, D. José Huerta Díaz; Tesoreru, D. Manuel Herrero, conceyal; Vocales: D. Paulino Antón, conceyal; D. Juan Díaz Gómez, D. Juan Prieto Fernández, D. Fernando Fernández Mier y don Celestino Berridi (20 de marzu de 1904).
Niembro, nombráu porque joi ún de los más güenos escritores n’asturianu del saliente, años dempués allegó a ser secretariu del Ayuntamientu de Cabrales, pero tevo que dise del conceyu por mor d’un asuntu del que tamién escribió sin dicir las causas d’elli (y del que jablé nel artículu "Manuel Niembro", sacáu en El Comercio, jaza del Oriente, 15 de xunu de 2003, páxina 6).
La otra xunta, llamada tamién Junta Municipal Republicana, taba en Ribesella (o Ribadesella, como hoi dizse más) y mandó un comunicáu, nada moderáu, el 14 de marzu d’esi añu; ellí, ente otros asuntos, dizse que:
“La monarquía tiene sus días contados. No puede continuar oprimiéndonos por más tiempo una institución abominable, que ha sido siempre el azote de España. Frente al régimen imperante, régimen de privilegio, que nos condujo al desastre y á la vergüenza, hay que oponer el gobierno del pueblo por el pueblo, única solución á los males que afligen á la patria. (…) nosotros afirmamos que la República es la paz, es el orden, es la salvaguardia de todos los ciudadanos, es el respeto a todas las creencias y opiniones (…) nos dirigimos á todos los vecinos de buena voluntad, á los que tengan convicciones, á los que no desesperen de la redención de España, excitándoles á que ingresen en nuestro partido, inscribiéndose en el censor republicano del Concejo de Ribadesella (…) rechazamos enérgicamente la especie gratuita de que venimos á desunir y á perturbar el vecindario; de igual modo negamos fundamento á los imaginarios peligros de que dicen está amenazado el pueblo de Ribadesella por haberse constituido aquí un Comité Republicano. Nadie nos supera en amor al Concejo, y siempre que de su prosperidad se trate, puede contarse con nuestro incondicional concurso y decidido apoyo; pero para eso no es preciso que abdiquemos de principios honradamente profesados. Si por unión se entiende el esfuerzo de todos en pro del bien de la localidad, téngase por presente que los republicanos, lejos de romper esa unión, la anhelan vivamente y la sostendrán hasta lo último; pero si lo que se pretende es nuestra sumisión, eso, ¡jamás!” (páxina 3).
El rei era Fonso XIII; reinó jasta 1931.

Ramón Sordo Sotres
Back to top  
Display posts from previous:   
Post new topic   Reply to topic    Asturian-American Migration Forum Index -> About Asturias - Sobre Asturies All times are GMT - 4 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum

Site design & hosting by

Zoller Wagner Digital Design