El Portillu Riegu y Peña Tú

People, history, places, resources, & more.<br>
El pueblo, historia, lugares, recursos, & más.

Moderators: mariamatoyos, Moderators

Post Reply
Ramón Sordo Sotres
Posts: 127
Joined: Tue Oct 06, 2015 4:49 am
Location: Llanes

El Portillu Riegu y Peña Tú

Post by Ramón Sordo Sotres »

EL PORTILLU RIEGU Y PEÑA TÚ


Ello que na parroquia llanisca de Vidiago entran, del poniente al saliente, tres pueblos, que son Puertas de Riegu, Riegu y Vidiago; esti, antiguamente llamáu Vidiao, era onde vivía gente más ricu y cabó por jacese la capital de tou ello.
Al mediudía de los tres pínase una cuesta mui grande que va, igual que los pueblos, del poniente al saliente, y que se llama La Sierra; al sur d'ella tán una o dos ocenas de caseríos con muchos praos y, tovía más al merudía, monte más que jartu. Tou ello ta dientro la parroquia.
La pasá más güena que traviesa La Sierra (no sé si va siglos podría dise pol sitiu onde sube agora la carretera de Puertas a La Borbolla) llámase El Portillu Riegu, que ta más cerca de Puertas de Riegu que de Riegu y entós pue que sea un topónimu que venga d'un tiempu onde los de Riegu mandaban tantu o más que los de Vidiao.
El casu e que el 12 d'eneru d'esti añu colé pol Portillu Riegu, inducíu polo que me dijera José María Martínez Ruisánchez, vecinu de La Rebollá, una d'esas caserías. Y la mi sorpresa jue grande cuando vi que mui cerca de'esta collada ta el peñón llamáu Peña Tú (o Piedra Tú como tamién dicen en dellos pueblos), mui nombráu por los sus grabaos de mui antiguamente.
Vistu del norte, el monumentu paez que ta solu nel monte, na punta del poniente de La Sierra. Pero allegar a elli desde el merudía cambia dajechu esta impresión pos entoes queda claru que ta junto a un nudu de comunicación curiosu.
Otru testimoniu más de lo que val el montañismu pa saber cómo éramos.

Ramón
Post Reply

Return to “About Asturias - Sobre Asturies”