FAQFAQ          SearchSearch          MemberlistMemberlist          UsergroupsUsergroups    RegisterRegister 
 ProfileProfile          Log in to check your private messagesLog in to check your private messages          Log inLog in          
Un pedióricu de 1853

 
Post new topic   Reply to topic    Asturian-American Migration Forum Index -> Folklore
View previous topic :: View next topic  
Author Message
Ramón Sordo Sotres



Joined: 06 Oct 2015
Posts: 108
Location: Llanes

PostPosted: Mon Nov 30, 2020 4:47 am    Post subject: Un pedióricu de 1853 Reply with quote

UN PEDIÓRICU DE 1853

Ello que L’Album de la Juventud joi un semanariu de 1853 sacáu n’Uviéu por nuversitarios y dirixíu primero por Ramón de la Huerta Posada (Llanes 1833 – Madriz 1908) y dempués por José Puente y Villanúa (Zaragoza 1817 – 1880).
El pedióricu e nombráu porque nelli apaecieren los primeros trabayos sobre mitoloxía asturiana, escritos por Tomás Cipriano Agüero (Santander 1835 – 1898; en 1878 allegó a ser alcalde d’esta ciudá), pero no se caltenían exemplares d’elli, de lo que dio razón Ramón Baragaño nel so llibru Mitología y brujería en Asturias, Xixón, 1983, páxina 13.
Por eso sosprendíme muchu cuando, ya va unos años d’ello, alcontré nuna caxa que taba nun desván de Llanes tolos números del Album de la Juventud, los 25 que salieren; taban xunto a otros escritos de De la Huerta Posada.
Entós pudi ver nesi semanariu d’Uviéu, amás de los llabores d’Agüero (que cité dellos nun llibru míu de mitoloxía), otros como Recuerdos históricos de Oviedo, de Nicolás Castor de Caunedo (Gozón 1818 – 1879), y tamién versos de De la Huerta Posada, de la poeta Emilia Álvarez Mijares y Vázquez (Uviéu 1834 – Madriz 1909) o del filósofu Gumersindo Laverde Ruiz (Estrá 1835 – Santiago de Compostela 1890), escritos en castellanu como tou lo sacáu nel pedióricu.
Diz qu’el que busca jalla. Los autores que nombro, iguaren dempués otras obras pero esos escritos de la so mocedá quedaren nesi pedióricu de 1853 que paeció nesi disván.

Ramón
Back to top  
Display posts from previous:   
Post new topic   Reply to topic    Asturian-American Migration Forum Index -> Folklore All times are GMT - 4 Hours
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum

Site design & hosting by

Zoller Wagner Digital Design