Pontón y El Pontón

[Ramón Sordo Sotres]

PONTÓN Y EL PONTÓN


  Ello que de los conceyos de Parres, Cangues y Amieva díbase a las anchas llanadas de Castilla (qu'e como llamaban muchos asturianos a León o, como dicían antiguos d'esta provincia, a Llelón) pel puertu de Ventaniella o pel puertu de Pontón, caminando o con caballerías.

   El más güenu de los dos camines era el de Ventaniella, pero sin embargu vivía en Madriz (la capital d'España entós y agora) xente de Sayambre que mandaba muchu y cuando se jecio la carretera joi per Pontón. Con ello las comunicaciones perdieren pero el turismu ganó porque Sayambre ta más cerca de los Picos d'Uropa que Ponga.

No vo dicir si estevo meyor escoller un sitiu o otru pero como toponimista digo qu'ente Sayambre y el conceyu ya atlánticu de Burón el pasu qu'hai llámase no El Pontón sino Pontón, que a mí dixérenmilo los sayambriegos y los valdeones sin artículu y amás los escritores José Díaz y Díaz-Caneja, Ángel Raimundo Fernández González, Eutimio Martino y Elena Rodríguez Díaz sacárenlu nos sos llibros tamién sin elli. Nos papeles antiguos tamién ta sin artículu; Pontón pue vinir d'una raíz indouropea, *PENT-: 'andar, pisar'.

   Onde sí ta El Pontón, equí con artículu, e nel camín antigu a Ventaniella, porque era el puente pel que se diba de Beleño a Sobrefoz, sitiu onde una vez mataren al alcalde de Ponga cuando golvía a esti pueblu de Sobrefoz.

   Ramón