El teyeru, la muyer del teyeru y el jelecheru

[Ramón Sordo Sotres]

EL TEYERU, LA MUYER DEL TEYERU Y EL JELECHERU

    Ello que la muyer del teyeru (y del canteru, el tratante de ganáu y otros llabradores que salían pel veranu a trabayar juera de Llanes) era la qu’unu, dos, tres o más meses del añu curiaba ella casi sola de los críos y de los más vieyos de la familia.
   Amás, jacía los muchos llabores que tenía que jacer ella y los que tendría que jacer l’hombre pero qu'esti no podía jacer porque no taba en casa esos meses.
   Ayudábanla otros de la familia y los jelecheros, qu’eran los que no diban a la teyera (o tiyera, que tamién se llama asina en dellos pueblos del conceyu).
   Entós, cada vez que jablamos de la teyera, tenemos que saber que son tres los protagonistas d’ella: el teyeru (o tiyeru), so muyer y, anque no tantu como estos dos, el jelecheru.
   Pa saber más d'esti asuntu, tán el mio últimu llibru Cultura tradicional de Llanes, Cabrales y Peñamellera y los trabayos d'investigación de Fe Santoveña Zapatero, hestoriadora de Vibañu (Llanes).

    Ramón Sordo Sotres