un portal destináu a ser sitiu d'alcuentru de los emigrante

[felechosa]

14/03/2005
Preséntase Emigrastur un portal destináu a ser sitiu d'alcuentru de los asturianos del esterior

La páxina web de l'Axencia Asturiana d'Emigración ufierta noticies, enllaces, documentación y señes de les nuestres colonies repartíes pel mundu

El portal Emigrastur de l'Axencia Asturiana d'Emigración preséntase esta tarde na sala de prensa del Edificiu de Servicios Múltiples del Principáu (EASMU)cola presencia del conseyeru de Xusticia y Esteriores Francisco José García Valledor. Esta nueva páxina web quier ufiertar un sitiu d'alcuentru ente los asturianos repartíos pel mundu, asina como valir de fonte d'información actualizada a diariu sobre asuntos d'interés pa los emigrantes.

Emigrastur ye'l nome del portal qu'empobina l'Axencia Asturiana d'Emigración col fin de xuntar nél les inquietúes y necesidaes informatives comunes a tolos asturianos del esterior. Noticies actualizaes diariamente, enllaces,documentación y señes de les comunidaes d'emigrantes repartíes pel mundu formen los conteníos principales d'esti sitiu web que se presenta esta tarde na sala de prensa del Edificiu Administrativu de Servicios Múltiples del Principáu. La presentación va tar a cargu del conseyeru de Xusticia y Esteriores Francisco Javier García Valledor y del responsable de la páxina Carlos Menéndez y nel cursu de la mesma entamaráse una videoconferencia colos mozos de la colonia asturiana de Mendoza (Arxentina) qu'organizaron apocayá unos alcuentros a propósitu de la comunidá emigrante. La páxina va lliberase coincidiendo col actu de presentación pa ser amosada a los medio y la dirección cola que s'accede a ella ye 'www.emigrastur.com'.